Баскет Кам 2011 му го нанесе првиот пораз во сезоната на Бадел 1862

Нема веќе непоразени екипи во Првата македонска женска кошаркарска лига, откако во рамки на третото коло Баскет Кам 2011 на гостински терен со минимални 72-70 го совлада лидерот Бадел 1862.

Актуелниот шампион и освојувач на Купот, направи голем пресврт во второто полувреме од средбата во неделата вечер во салата „Независна Македонија“ и во неизвесен финиш стигна до првиот триумф во домашното првенство.

Во останатите натпревари, МЗТ Скопје Аеродром стигна до изненадувачка победа против Струга 2009 (69:58), додека пак кошаркарките на Вардар стигнаа до планираните бодови во натпреварот со екипата на Пробаскет (78:64).

Дерби-дуел се играше и во групата „Б“, во Скопје, новакот во оваа конкуренција, екипата на Гризли, славеше сигурна победа против лидерот на табелата, кавадаречки Трокал (61:44), па сега двете екипи се израмнети според бројот на порази, по два, и со подеднакви шанси за пласман во елитната група.

ТАБЕЛА: Бадел 1862 29, Баскет Кам 2011 28, Вардар 25, Струга 2009 20, Крива Паланка 20, МЗТ Скопје Аеродром 17, Пробаскет 14.