Дончиќ сака да игра на третиот натпревар против Јута

Најдобриот кошаркар на Далас, Лука Дончиќ објави дека има желба да игра на третиот натпревар од плејофот од првото коло на НБА против Јута.

– Не знам дали ќе бидам 100 отсто подготвен, но сакам да бидам на теренот доколку не постои ризик од влошување на повредата, изјави Дончиќ за „ESPN“.

Да потсетиме дека 23-годишниот Словенец ги пропушти првите два меча од серијата со „Џезерите“ поради истегнување на мускулот на потколеницата.

Третиот натпревар од серијата ќе се одигра во петок наутро со почеток во 3 часот по македонско време.

Резултатот во серијата прв до четири победи е нерешен – 1:1.