Ембид по крајот на сезоната мора на операција

Кошаркарот на Филаделфија, Џоел Ембид, ќе мора да го оперира палецот на десната рака по завршувањето на актуелната сезона во НБА лигата, потврди денеска неговиот тренер Док Риверс.

– Со магнетната резонанца е потврдено истото што го претпоставувавме. Но, ништо не се менува. Третманот е ист. Буквално нема да има промени. Знаевме дека до ова ќе мора да дојдеме, така што мораме да продолжиме понатаму, изјави тренерот на Филаделфија.

Ембид, кој е еден од тројцата кандидати за титулата МВП сезонава, се повреди во првото полувреме од третиот натпревар од плејофот против Торонто.

Филаделфија води со 3-1, а петтиот натпревар се игра доцна вечерва.