Мајк Браун ќе биде нов тренер на Сакраменто

Помошникот тренер на Голден Стејт, Мајк Браун се очекува да биде назначен за главен тренер на кошаркарите на НБА лигашот Сакраменто, објави денеска ЕСПН, наведувајќи дека 52-годишниот стратег ќе потпише четиригодишен договор.

Браун е дел од стручниот штаб на Голден Стејт од 2016 година и учествуваше во освојувањето на две шампионски титули во НБА лигата (2017 и 2018). Беше главен тренер на Кливленд и Лос Анџелес лејкерс, и го понесе признанието најдобар тренер во 2009 година.

Сакраменто нема пласман во разигрувањето за титулата цели 16 последователни години, што е најдолга негативна серија во историјата на НБА.