Претставување на творештвото на Виктор Радун Теон
Во Градската библиотека „Браќа Миладиновци“ во Скопје денеска ќе биде претставено творештвото на поетот, филозоф и футуролог Виктор Радун Теон од Србија.
-Виктор Радун Теон ќе ни ги претстави своите литерарни и филозофски дела во кои критички се осврнува на напредокот и Четвртата индустријска револуција, којашто врз основа на новите технологии – вештачка интелигенција, нанотехнологија, виртуелна и аугментативна реалност, интернет на нешта, биотехнологија, роботика, неуронауки, и идеологијата и филозофијата на трансхуманизмот човештвото го води во ќорсокак, соопштија од библиотеката.
Промотори на настанот ќе бидат Христо Петрески и Васил Тоциновски.
