Харден сака нов договор со Филаделфија

Една од актуелните ѕвезди во НБА-лигата, Џејмс Харден, нема да ја искористи опција за продолжување на договорот со Филаделфија на уште една сезона и поради тоа нема да ги добие загарантираните 47,3 милиони евра.

Триесет и двегодишниот Американец ќе стане слободен играч на трансфер-пазарот и од таква позиција се очекува да потпише нов договор со Сиксерси по поволни услови.

Харден минатата сезона настапи на 21 натпревар за Филаделфија, а во просек имаше 21 поен, седум скока и 10,5 асистенции.

Во Филаделфија се задоволни од настапите на Харден и веруваат дека со него во составот, тимот може да оствари големи резултати.

Џејмс Харден во Филаделфија дојде во февруари оваа година од Бруклин како дел од размената со Бен Симонс.