Џејлен Смит останува во Индијана уште две години

Слободниот агент Џејлен Смит се договори со Индијана за нов двегодишен договор вреден 9,6 милиони долари, објави „ESPN.com“.

Дваесет и двегодишниот кошаркар беше избран од Феникс како 10. пик на драфтот во 2020 година, но беше испратен во Индијана во февруари 2022 година во замена за Тори Крег.

Санс не искористија опција во договорот на Смит од 4,7 милиони долари за сезоната 2022/23, па играчот стана слободен агент.

Во 22 натпревари за Пејсерс, Смит имаше просек од 13,4 поени, 7,7 скока и 1,0 блокади.