Концерт на ,,Нонет” во рамки на Делчевско културно лето 2022

Во рамки на Делчевското културно лето вечерва концерт ќе одржи составот ,,Нонет”. Настанот е во организација на Националната установа – Центар за култура „Н.Ј.Вапцаров“ и е втор концерт во рамки на Делчевското културно лето.

-Нонет е дел од Kaмерниот оркестар на Музичка младина на Македонија под раководство на диригентот и композитор Ангел Спировски, во состав гудачки квартет и дувачки квинтет. Овој состав од млади музичари е единствен од ваков тип во државата, а неговата визија е камерното музицирање да стане неизоставен дел од концертите, се вели во најавата за настанот.

На концертот, како што додадоа од Центарот за култура во Делчево, ќе бидат изведени композиции од неколку музички епохи со посебен акцент на современата музика.

Почетокот на концертот на ,,Нонет” е закажан за 20:00 во малата сала при Спомен дом АСНОМ.