Второ издание Дојран Рок Фест

Во Стар Дојран вечер почнува второто издание на Дојран Рок Фест што го организира здружението Андерфест.

Фестивалот ќе се одржи кај базенот на Хотел Романтик во Стар Дојран, а ќе стартува вечер со настап на групата АРЕА која оваа година прославува 30 годишен јубилеј.

Тие ќе ги отсвират нивните вонвременски хитови, а воедно ќе го презентираат и својот нов материјал. Како загревање и предгрупи ќе бидат Јовче Пандев со неговиот бенд, како и Sound Impulse, соопштија организаторите на фестивалот.

Картите се пуштени во претпродажба по цена од 150 денари во Bellissimo Coffee House Гевгелија, Cafe Room 7 во Струмица, Dojran Hotel Romantique Plaza, Romantique Plaza Pool & Bar. На врата билетот ќе чини 200 денари. Покровители на настанот се Министерството за култура, Општина Дојран, Дојран Стил, Абсолут и Бифитер.