КУД „Брвеница“ на турнеја во Србија, меѓу другите и во српска Брвеница

Културно уметничко друштво „Брвеница“ од тетовска Брвеница настапи на три културно уметнички манифестации во рамки на неколкудневната турнеја во Република Србија во повеќе населени места при Општина Рашка, меѓу кои и истоименото село Брвеница.

Играорците од друштвото настапија на манифестацијата „Голијски средби“ во Градачка бања, потоа на манифестацијата „Брвеница игра и пее“ во село Брвеница, Општина Рашка и „Јошанички Сабор“ во Јошаничка Бања.

-Покрај културно уметничките настапи нашето друштво со КУД „Бреница“ од Рашка имаа заедничко дружење и посета на неколку места и знаменитости во регионот, информира Јован Ѓорѓиоски, претседател на КУД „Брвеница“.

Друштво доби признанија за успесно реализираните настапи.