Завршува манифестацијата „Десет дена Крушевска Република“

По синоќешната монодрама „Женска утопија“ во изведба на Димитрина Мицкоска, вечер завршуваат традиционалните научно-културни средби „Десет дена Крушевска Република“.

Манифестацијата која ги претставува културата, традицијата и историјата на Крушево, ја организира Општината. Почна на 1 август, на Гумење во Крушево, со настап на бендот „Љубојна“, а ќе заврши вечер, со спуштање на бајракот и настап на Дац & Александар пред споменикот Илинден.

На 4 август беше организирана Влашка вечер, а на 5 август се одржа џез-концерт.

Во текот на културно-научните средби „10 дена Крушевска Република“ се одржа и „Кога си во Крушево“ (When i Krusevo) со бројни гости и рекреативни настани.