Познати осминафиналните дуели на ЕП во кошарка

Со комплетирање на групната фаза на Европското првенство во кошарка познати се сите осум осминафинални пресметки, кои се на програмата денеска и утре.

Нокаут фазата ќе ја отворат Турција и Франција, со почеток во 12 часот, по што следуваат пресметките меѓу Словенија и Белгија (14:45 часот), Германија – Црна Гора (18 часот) и Шпанија – Литванија (20:45часот).

В недела на програмата се натпреварите меѓу Украина и Полска (12 часот), Хрватска – Финска (14:45), Србија – Италија (18) и Грција – Чешка (20:45).