НБА очекува да собере најмалку милијарда долари за правото на прикажување натпревари на Интернет

Раководството на НБА-лигата размислува да го продаде правото за пренос на натпревари преку Интернет, објави „Фронт офис спортс“. Се очекува дека борбата за ексклузивни права ќе се одвива меѓу „Амазон“ и „Ејпл“.

Наддавањето за правата за стриминг во НБА најверојатно ќе започне од една милијарда долари по сезона.

Во претстојните преговори за долгорочен телевизиски договор, НБА очекува вкупна сума од 50-75 милијарди долари.

Тековниот 9-годишен договор од 24 милијарди долари со „ESPN“ и „Turner Sports“ беше потпишан во 2014 година и стапи на сила во 2016 година. Истиот ќе истече по завршувањето на сезоната 2024/25.