МЗТ Скопје Аеродром викендов го очекува настап во младинската АБА лига

Претстојниот викенд во Златибор ќе се одржи младинскиот АБА лига турнир на кој противници на МЗТ Скопје Аеродром ќе бидат екипите на Студентски центар и Црвена ѕвезда.

– Поради правилата на АБА лигата кои налагаат настап на кошаркари родени од 2004 година па наваму, македонскиот тим ќе биде составен од играчи од МЗТ Скопје УНИ Банка и М18 селекцијата, соопшти денеска клубот од Аеродром.

Вкупно 12 екипи се поделени во четири групи, а дуелите во рамки на групата Б кошаркарите на МЗТ Скопје ќе ги одиграат в сабота од 19 часот против Студентски центар и в недела од 12:30 часот против Црвена ѕвезда.

Победниците од четирите групи напролет ќе играат фајналфор по кој ќе биде познатиот новиот младински шампион во регионалното кошаркарско натпреварување.