Пингпонгарската федерација на Македонија добива значителна финансиска помош од Народна Република Кина преку нивната амбасада во земјава за поддршка на развојот на новите млади пингпонгари.

– Средствата од донацијата ќе бидат искористени за купување на професионална опрема за пинг-понг (маси, рекети, гуми и топчиња) создавајќи една база на опрема која ќе се користи за сите нови млади талентирани играчи во земјата. Пингпонгарската федерација заедно со клубовите членови ќе преземат одговорност за понатамошен професионален развој на младите играчи во овој спорт, стои во соопштението на ППФСМ.

Претседателот на ППФСМ се заблагодари на амбасадата на Кина за соработката и поддршката која ја дава за развој на овој спорт во нашата држава.



Автор: Администратор
Објавено на: 29/11/2022 09:52