Македонските кошаркари се подготвуваат за дуелите со Словачка и Норвешка

Македонската машка кошаркарска репрезентација денеска ги стартуваше подготовките за двата завршни натпревари на гостински терен во претквалификациите за пласман на Евробаскетот 2025 година.

Селекторот Александар Јончевски на располагање на мини – подготовките во СРЦ „Кале“ има 17 кошаркари, кои утре претпладне патуваат за Словачка на дуелот против домаќинот в четврток во градот Левице. Три денови подоцна македонската репрезентација ѝ гостува на Норвешка во Осло.

По четири одиграни кола, Северна Македонија е лидер во групата „Д“, со максимален ефект од четири победи.

За сигурен пласман во главните евро-квалификации, на избраниците на Јончевски ќе им биде потребна најмалку победа во наредните две средби.