Леклер: Ферари го има најдобриот болид по моето доаѓање во тимот

Возачот на Ферари, Шарл Леклер, зборуваше за напредокот на тимот минатата година. Во 2022 година, Моначанецот стана вицешампион на Формула 1, Скудерија го зазеде второто место во шампионатот на конструктори.

- Сезоната 2022 е огромен чекор напред. Сепак не се задоволуваме со второто место, иако претходните две сезони беа многу тешки. Да, мислам дека направивме голем исчекор, но тоа не беше доволно за да го освоиме шампионатот. Затоа, на крајот на годината бевме многу критични кон себе и се обидовме да се подобриме во сите аспекти, изјави Леклер за веб-страницата на Формула 1.

Тој зборуваше и за моменталната форма на тимот.

- Ми се чини дека со искуство стануваш се подобар и подобар, постојано нешто учиш. Дали е ова најдобрата верзија на Ферари од моето доаѓање? Да, убеден сум во ова. И мислам дека причините се исти. Има чувство дека по секоја сезона правиме чекор напред, обидувајќи се да разбереме каде погрешивме. И тогаш преземаме акција за подобрување, додаде Леклер.

Сезоната 2023 започнува со Гран при во Бахреин претстојниот викенд.