Македонските кошаркари напредуваа едно место на ФИБА рангирањето

Скок од едно место на европската и светска ранг-листа на ФИБА забележа македонската машка сениорска кошаркарска репрезентација.

Со 204.4 бодови македонските кошаркари сега се позиционирани на 28 место во европски и на 53 место во светски рамки.

Македонската кошаркарска репрезентација со неодамнешниот триумф над Норвешка во Осло успешно ги заврши претквалификациите за Еуробаскет 2025 како првопласирана во групата и обезбеди пласман во главните квалификации кои ќе стартуваат во ноември.

Европското првенство 2025 ќе се одржи во Финска, Летонија, Полска и Кипар.