Бостон во конференциското полуфинале на Истокот

Кошаркарите на Бостон се пласираа во втората рунда од плејофот во Источната конференција во НБА лигата, откако синоќа на гостински терен ја совладаа Атланта со 128-120 и со тоа ја добија серијата со 4-2.

Победникот беше одлучен во последната четвртина во која Бостон со серија од 11-0 влезе во завршните две минути со предност од 121-113.

Џејлен Браун го предводеше гостинскиот тим до триумфот со 32 поени, додека најефикасен во редовите на Атланта беше Тре Јанг со 30 поени,

Бостон во полуфиналето на Истокот ќе игра против Филаделфија, која на стартот од разигрувањето за титулата го елиминираше Бруклин со 4-0.