Џејмс се искачи на петтото место по скокови во историјата на НБА плејофот

Кошаркарот на Лос Анџелес лејкерс, Леброн Џејмс забележа осум скока во третиот натпревар од полуфиналето на Западната конференција на НБА против Голден Стејт.

Така, лидерот на Лејкерс стигна до 2.482 скока во плејофот и се искачи на 5-то место во историјата на НБА-лигата. Џејмс го помина легендарниот Карим Абдул-Џабар (2.481 скок).

Пред Леброн се: Шекил О'Нил (2.508), Тим Данкан (2.859), Вилт Чембрлен (3.913) и Бил Расел (4104).

Лејкерс го доби синоќешниот меч со Голден Стејт вориорс со 129:97 и поведе со 2:1 во серијата прв до четири.