Петто издание на Меѓународниот хорски фестивал „Гласот на Охрид“

Во организација на градскиот хор „Вокс Лихнидос“ вечер во катедралната црква „Света Софија“ во Охрид ќе се одржи петтиот Меѓународниот хорски фестивал „Гласот на Охрид“.

Покрај домаќините, на фестивалот ќе настапат и членовите на хорот при Центарот за култура „Кикинда“, хорот „Бачки Певачи“ од Врбас, мешаниот хор при КУД „Стив Наумов“ од Битола и Градскиот женски младински ансамбл од Феризај, Косово.

Охрискиот градски хор е формиран пред 58 години, а од 2015 година го носи името „Вокс Лихнидос“ под раководство и управа на диригентот Бурим Хидри.

Настапите на учесниците почнуваат од 20 часот.