Македонски театарски уметници на Меѓународна театарска резиденција во Романија

Во втората половина на месецов, театарски уметници од државава ќе учествуваат на Меѓународна театарска резиденција, проект „Е.Т.Е.Р.И.А.“, во Констанца, Романија, соопштија од Македонскиот центар ИТИ/продукција.

- Во рамките на резиденцијата ќе бидат прикажани и материјалите од новиот видео театарски проект на Македонскиот центар ИТИ/продукција - „А-Ц-И-Н-С-Е-Л-А-К“, видео монодрама, женска верзија, улога: Филарета Атанасова и „KRIEG“, видео монодрама, машка верзија, улоги: Здравко Стојмиров, се наведува во соопштението.

Проектот е поддржан од ЕУ, „Креативна Европа“.