Медиуми: Спанулис ќе биде нов селектор на Грција

– Еден од најдобрите грчки кошаркари на сите времиња Василис Спанулис ќе биде назначен за нов селектор на репрезентацијата на Грција, јавија денеска медиумите во Атина.

Според „Спорт24“, Кошаркарската федерација на Грција утре официјално ќе го претстави Спанулис за нов селектор на местото на Димитриос Итудис со кого минатиот месец ја раскина соработката.

Спанулис, според најавите, ќе потпише двегодишен договор и ќе ја предводи Грција во квалификациите за пласман на Олимписките игри 2024 во Париз.

Спанулис зад себе има краток тренерски стаж и досега го предводеше само грчкиот тим Перистери.