Хамилтон: Сигурно ќе победиме барем на една трка до крајот на сезоната

Поранешниот светски шампион во Формула 1, Луис Хамилтон, верува во способноста на Мерцедес да победи барем на една трка до крајот на сезоната.

Британецот ги сподели своите очекувања за следната сезона и ги оцени перспективите на тимот.

Хамилтон претходно имаше победа секоја сезона откако ја започна својата Формула 1 кариера во 2007 година. Серијата беше прекината во сезоната 2022 година - а единствената победа во тој шампионат на Мерцедес му ја донесе Џорџ Расел.

Според Хамилтон, следната освоена трка, со оглед на предноста на Ред Бул во последните години, доколку победи, тој може тоа да го нарече најголемото достигнување во неговата кариера.

- Кога не ја чувствувате вашата рамнотежа додека возите, вашата желба да ризикувате се намалува. Се надевам дека количината на податоци што ги собравме оваа година ќе влијае на развојот на болидот следната година. На тоа се надеваат сите во Мерцедес. Секогаш мора да веруваме во остварувањето на нашите цели. И никогаш да не се откажуваме. Сигурно повторно ќе победиме. Ние сме способни за ова. Допрва ќе се најдеме на највисокото скалило на подиумот. И ова веројатно ќе биде главниот триумф во мојата кариера, изјави Хамилтон.

На шест трки до крајот на Ф1 шампионатот Хамилтон е на 3. место во поредокот со 190 освоени бодови.