Швјонтек: Ако повторно станам прв рекет на светот, ќе бидам многу подобро подготвена

Полската тенисерка Ига Швјонтек изјави дека научила многу откако станала светски рекет број еден на млада возраст.

Швјонтек се најде на врвот на светската ВТА ранг листа за прв пат во кариерата на 20-годишна возраст.

- Бев под голем притисок во последните сезони. Но, би рекла дека напредокот што го постигнав беше прилично брз и не очекував дека ќе станам светски број 1 минатата година. Морав да се справам со многу работи и пораснав многу брзо. Во одредени периоди, притисокот е тежок. Од друга страна, ова е дел од нашиот спорт и треба да научиме да се прилагодуваме на него и да се фокусираме на тенисот. Ако повторно станам прв рекет на светот, ќе бидам многу подобро подготвена, изјави тенисерката.

Моментално Швјонтек е рангирана на второто место на ВТА листата. Дваесет и двегодишната тенисерка е победничка на четири Грен слем турнири (Ролан Гарос 2020, 2022 и 2023 година и УС Опен 2022) и освојувачка на 15 ВТА турнири