ЕУРОДРАМ го објави конкурсот за современи драмски дела на македонски јазик

ЕУРОДРАМ – Европската мрежа за современа драма и превод го распиша традиционалниот конкурс за оригинални современи драмски дела напишани на македонски јазик.

Како што се наведува во соопштението, наредната година, Македонскиот комитет на ЕУРОДРАМ ќе избере три најдобри драми, кои ќе бидат споделени во мрежата со повеќе од 300 членови и 30 различни јазични комитети во Европа и препорачани за превод, јавни читања и изведба. Исто така ќе бидат разгледувани современи драмски текстови, оригинално напишани на македонски јазик, кои претходно не биле јавно изведувани или објавувани.

Драмските текстови треба да се достават по електронски пат на адреса dodovski@uacs.edu.mk, а за секој пријавен драмски текст задолжително треба да се достават во еден документ следните податоци: 1. име и презиме на авторот, куса биографија до 100 збора и информации за контакт, датум и место на пишување на делото, синопсис на драмата

Рок за поднесување е 31 јануари 2024 година, а резултатите ќе бидат соопштени на 21 март 2024 година на вебстраницата http://eurodram.org/

За дополнителни информации, посетете ја фејсбук-страницата https://www.facebook.com/eurodram.mk/