Почнува Европското екипно првенство во шах, македонските репрезентации очекуваат добар настап

– Во црногорскиот град Будва денеска почнува 24. Европско екипно првенство за шахисти и 15. Европско првенство за шахистки, а македонскиот шах ќе биде застапен со репрезентации во двете конкуренции.

Во составот на машката репрезентација, селекторот Атанас Кизов ги повика интернационалните мајстори Филип Панчевски, Никола Николовски, и Тони Лазов, како и двајца фиде мајстори – Емил Ристески и Андреј Велјаноски.

Во составот на женската репрезентација, предводена од селекторот Љубиша Андоновски се биде мајсторот Моника Стојковска, како и Ивана Манова, Катерина Петровска, Сања Трајковска и Моника Жежовска.

Двете репрезентации изразија задоволство од реализираните подготовки и најавија добар настап на Европското првенство кое ќе трае до 20 овој месец.