Прогрес од три позиции за Ѓорческа на ВТА ранг-листата

- Најдобрата македонската тенисерка Лина Ѓорческа 2023 година ќе ја заврши на 213. место на ВТА ранг-листата. Таа има скок од три места во однос на минатата недела, но бројот на поени е ист – 357.

Во поединечна конкуренција кај жените Магдалена Стоилковска со девет поени се наоѓа на 1208. место и има пад од две места.

Ѓорческа исто како и во сингл и во конкуренција на двојки има напредок од три позиции и се наоѓа на 364. место со 226 поени.

Воедно најдобрата македонска тенисерка Ѓорческа на почетокот на новата сезона ја очекува настап во квалификациите на „Австралија Опен“ во Мелбурн.