Милер разочаран од резултатите на Баерн

Фудбалерот на Баерн, Томас Милер реагираше на неодамнешните лоши резултати на тимот во Бундеслигата. Екипата од Минхен вчера, загуби од Бохум (2:3) во натпреварот од 22. коло на германскиот шампионат.

- Тешко е да се најдат вистинските зборови за да се опише како се чувствуваат играчите на Баерн. Треба да направиме чекор напред, дури и ако сега изгледа многу тешко, го цитира Милер „Bayern & Germany“ на социјалната мрежа Икс.

Поразот од Бохум беше втор за Баерн во низа во германскиот шампионат и трет во низа во сите натпреварувања.

Баварците се втори во Бундеслигата со 50 бода од 22 натпревари. Заостатокот од водечкиот Баер Леверкузен е осум бода.