Младите фудбалери со втора победа во квалификациите за ЕП 2025

Фудбалската репрезентација на Македонија до 21 година забележа минимална победа над селекцијата на Гибралтар во натпревар од квалификациите за пласман на ЕП 2025 година, кое ќе се одржи во Словачка.

Нашите фудбалери ја остварија втората победа во овие квалификации. Во првото коло од квалификацискиот циклус, славевме победа над Шведска, на гостински терен со 1:0.

Македонија доминираше, имаше иницијатива и посед на топка, противник главно беше позициониран на својата половина, бранејќи го својот гол. Во првиот дел пропуштивме неколку одлични прилики преку Станковски, Максимов и Тодоровски.

Во продолжението, избраниците на селекторот Драги Канатларовски успеаа да го скршат отпорот на противникот. Во 52. минута Абази погодува за предност на Македонија од 1:0. На крајот сосема заслужена победа на Македонија