Кејн импресиониран од играта на Белингем на натпреварот со Србија

Капитенот на Англија, Хари Кејн го сподели своето мислење за соиграчот од репрезентацијата Џуд Белингем. Фудбалерот на Реал синоќа го постигна единствениот гол на натпреварот против селекцијата на Србија (1:0) во првото коло од групната фаза на Европското фудбалско првенство 2024.

- Белингем е неверојатен фудбалер. Тој ги заслужува сите пофалби што ги добива. Се е до неговиот стил на игра, самодовербата, способноста да влијае на текот на натпреварот. Важно е играчите на негова позиција да постигнуваат голови, а тој го прави тоа, изјави Кејн за „BBC Sport“.

Претходно, тренерот на Манчестер јунајтед, Ерик тен Хег, исто така го пофали Белингем.

Во следниот натпревар од групата Ц Англија ќе игра со Данска на 20 јуни, додека Србија истиот ден ќе се сретне со Словенија.