Дешам го пофали настапот на Гризман на Евро 2024 година

Селекторот на француската фудбалска репрезентација Дидие Дешам се произнесе за тоа што мисли за настапите на Антоан Гризман во првите две кола на Евро 2024.

Фудбалерот не ги реализираше своите шанси за гол на синоќешниот натпревар (0:0) со Холандија од 2. коло во групната фаза.

-Повеќе би бил загрижен доколку тој нема шанси. Гризман одигра подобро од првиот меч, но техниката го изневери, ова е невообичаено. На натпреварот со Холандија тој беше позициониран повисоко на теренот бидејќи имавме тројца играчи кои играа во средниот ред, изјави Дешам за „Marca“.

Францускиот тим води во групата Д со 4 бода. Холандија исто така освои 4, Австрија заработи 3, последна е Полска без ниту еден освоен бод