Пелегрини: Сакаме доминација и победа на натпреварот со Хрватска

Фудбалерот од средниот ред на Италија, Лоренцо Пелегрини ги сподели своите очекувања за натпреварот со Хрватска на Евро 2024 година.

- Сакаме да доминираме во играта и да ја победиме. Не планираме да играме на нерешено. Хрватска е многу силен противник, оваа репрезентација има неверојатни играчи. Загубија од Шпанците, но создадоа голем број на шанси и имаа поголем посед на топката, изјави Пелегрини за „Football Italia“.

За да се пласира во осминафиналето на Европското првенство 2024 од второто место, Италија треба да освои само бод во мечот со Хрватска. Натпреварот меѓу екипите ќе се одигра утре во Лајпциг.

Од Б-групата пласман во плејофот веќе избори Шпанија, која во третото коло се среќава со Албанија.