Со новиот договор, Мусиала ќе добива 25 милиони по сезона од Баерн

Џамал ​​Мусиала би можел да добие значително зголемување на платата во Баерн Минхен, објави денеска новинарот Флоријан Плетенберг.

Се очекува играчот од средниот ред да потпише нов договор со Баварците до летото 2029 година, а неговата плата по сезона би можела да достигне 25 милиони евра пред оданочување.

Се уште не е јасно дали ќе има посебен бонус за самото потпишување на договорот. Вкупно во текот на 4 сезони се очекува минхенскиот клуб да потроши околу 120 милиони евра за 21-годишниот Мусиала.

Германскиот интернационалец оваа сезона одигра 8 натпревари во Бундес лигата и постигна 5 голови.