Дефиле на градскиот дувачки оркестар

Градскиот дувачки оркестар при Младинскиот културен центар денеска ќе одржи парадно дефиле низ улиците на Скопје.

Оркестарот ќе тргне од Музејот на град Скопје и свирејќи ќе се движи по улицата „Македонија“, се до плоштадот „Македонија“.

Во рамки на дефилето ќе бидат отсвирени композиции таканаречени чекорници, како и делови од најпознатите светски маршови соодветни за вакви парадни концерти.

На оваа саботна музичка променада ќе биде изведени „Младинска чекорница“, „Вардаре македонски“, „Патриотска чекорница“, „Дикси парада“, „Вашингтон пост марш“, „3-та македонска бригада“, „Огномет на слободата“, „Во спомен на Ваташа“, „Работнички“ и „За сите деца“.

Овој концерт е во организација на Град Скопје и Младинскиот културен центар.