Свечен настан за одбележување на 5 декември, Светскиот ден на волонтерството ќе се одржи денеска во организација на Црвениот крст на Република Македонија.
Насобраниот отпад, во и околу коритото на реката Вардар, уште денеска Град Скопје почнува да го расчистува. За нас безбедноста на граѓаните и заштитата на објектите околу реката Вардар се наш приоритет, истакна денеска скопскиот градоначалник Петре Шилегов.
Македонија е меѓу земјите со најголем ризик од недостиг на вода во земјоделството до 2020, 2030 и 2040 година, покажува најновиот извештај на ФАО за Европа и Централна Азија (ЕЦА).
Книжевната награда Балканика 2015 е доделена на книгата „Играта, падот од небото“ на Башким Шеху од Албанија, а Балканика 2016 ја доби книгата „Црн хумор“ на Мурат Озјашар од Турција. Одлуката беше донесена во Скопје каде што викендов во неколку сесии работеше меѓународното жири.
Графички дизајнери од пет земји кои беа во жирито ја направија селекцијата од илјадници пристигнати плакати од 68 земји на 10. Скопје постер конкурс кој беше на тема „Вештачка реалност".
Македонската филхармонија и Црногорскиот симфониски оркестар вчера потпишаа меморандум со цел да се зајакне соработката на двата национални оркестра.
Над 45 проекти ќе бидат презентирани денеска на Саемот на проекти на Програмата за вработување, образование и социјална инклузија финансирана од ЕУ што ќе се одржи денеска на Економскиот факултет при УКИМ во Скопје.
Регионален форум „Депонии: Каде и кога?“ ќе се одржи денеска во Тетово во организација на Цивика Мобилитас, на кој уште еднаш ќе се актуелизира долгогодишниот проблем со депониите и барањето решенија за нив.
Македонски и српски државјанин, двајцата со криминална позадина, се двете лица кои минатиот понеделник, 27 ноември, се обидоа да ограбат менувачница во Кисела Вода, при што беа убиени од нејзиниот сопственик, соопшти денеска Јавното обвинителство на Република Македонија (ЈОРМ).
Стопирана е градбата на Панорамското тркало. Градот Скопје нема потреба од него и имаме среќа што не е платено, па барем ќе заштедиме граѓански пари. Ова денеска го соопшти скопскиот градоначалник Петре Шилегов.
