Британски државјанин е приведен вчера попладне поради неовластено движење во кругот на касарната „Илинден“ во Скопје, соопшти МВР.
На територијата на Скопје има 180 бездомни лица, според базата на податоци на Црвениот крст. На дневна основа услугите на Пунктот за бездомни лица во Момин Поток ги користат 50 лица.
На есенското издание на 36. Интернационален филмски фестивал во Њу Џерси македонскиот долгометражен игран филм „Златна петорка“ во режија на Горан Тренчовски освои Гран-при за најдобар игран филм.
На „Технома 2017“, традиционално, ќе се претстават и националните економии на многу земји, покраини и региони, а за зголемување на соработката организирани ќе бидат стручни програми и Б2Б средби.
Осум лица се здобиле со тешки телесни повреди во вкупно 15 сообраќајни несреќи регистрирани во текот на изминатиот ден на подрачјето на СВР Скопје, а 12 со лесни телесни повреди. Во седум е причинета материјална штета.
Две малолетни лица се хоспитализирани на скопските клиники, а едно во гостиварската болница, по тепачка која попладнево избила меѓу две групи во кругот на средното економско училиште. Мотивите и бројот на учесниците во тепачката ги истражува гостиварската полиција.
Дарја Ризова ја доби наградата „Рејхан Демирџиќ“ за најдобра млада актерка на 57-то издание на театарскиот фестивал МЕСС во Сараево кој заврши вчеравечер со доделување на наградите. Ризова е наградена за улогата во претставата „Електра“ во режија на Андриј Жолдак.
Оттаму прецизираат дека без топлинска енергија се потрошувачите на улиците „Даме Груев“ бр. 2, 4, 6 и 8, „Македонија“ ББ (Спомен куќа на Мајка Тереза, Дом на АРМ), бр. 6, 10 и 16, „Луј Пастер“ ББ (Палата Македонија), „11 Октомври“ бр. 6 и 8 и „Димитрие Чуповски“ бр. 1.
На 5 ноември истекува рокот за поднесување барања за директни плаќања за произведено и предадено овчо, козјо и кравјо млеко во периодот од мај до септември годинава, а висината на поддршката изнесува 3,5 денари по литар.
Македонскиот атлетичар Дарио Ивановски победи на денешната улична трка „Скопје трча 10 км“. Тој ја оправда улогата фаворит и делницата од 10 километри ја истрча за 30:52 минути што е рекорд на улична трка во Македонија.
