Европската комисија отвори истрага за неусогласеност на некои од правилата на „Алфабет“, „Епл“, „БајтДенс“ и „Мета“ со Законот на ЕУ за дигитални пазари (ДМА), јави дописникот на МИА од Брисел.
Поранешниот американски претседател Доналд Трамп во интервју за весникот „Израел Хајом“ (Израел денес) изјави дека земјата мора да ја запре војната во Газа бидејќи ја губи поддршката во светот.
Разузнавачките служби соработуваат со разузнавачките служби, рече Борел, одговарајќи со „да“ на прашањето на новинарката Кристијан Аманпур дали руските и службите на ЕУ соработуваат и покрај војната во Украина.
САД денеска најавија дека ќе најдат начин да го предупредат Израел да не започнува офанзива врз градот Рафа, откако израелска делегација ја откажа посетата на Вашингтон поради усвојувањето на резолуцијата на ОН со која се бара итен прекин на огнот во Појасот Газа.
Откако САД одлучија да не го користат ветото и беа воздржани, резолуцијата беше усвоена денеска со 14 гласа „за“. САД претходно ставија вето на три резолуции кои повикуваа на прекин на огнот.
Апелациониот суд на државата Њујорк делумно го прифати барањето на адвокатите на Трамп, па износот на банкарската гаранција е намален од досегашните 454 милиони долари на 175 милиони долари, а рокот за нејзино поднесување е продолжен за десет дена.
Компанијата Боинг денеска објави дека нејзиниот извршен директор Дејв Калхун ќе се повлече од функцијата на крајот на оваа година.
Премиерот на Холандија, Марк Руте денеска изјави дека е важен апелот на Советот за безбедност на Обединети нации за итен прекин на огнот во војната помеѓу Израел и Хамас.
Рускиот претседател Владимир Путин денеска по првпат призна дека „радикални исламисти“ стојат зад минатонеделниот напад на концертна сала надвор од Москва, но оцени дека Украина е вмешана на некаков начин.
Украинскиот министер за енергетика, Герман Галушченко денеска изјави дека санацијата на оштетената енергетска инфраструктура при минатонеделните руски напади најверојатно ќе чини милијарди.