Француското Министерство за здравство соопшти дека во последните 24 часа во Франција се потврдени нови 372 случаи на заразени со коронавирусот, со што нивниот број достигна 1.784, а досега има 33 смртни случаи, 19 мажи и 14 жени.
Националното обвинителство за финансиски криминал побара казна од две години ефективен затвор и три години условна казна за поранешниот француски премиер Франсоа Фијон, како и парична казна од 375.000 евра за неговата сопруга Пенелоп Фијон.
Според Меѓународниот Совет на Аеродроми за европскиот регион (АЦИ Јуроп) епидемијата на коронавирусот ќе значи опаѓање на бројот на патници за 13,5 отсто во првиот квартал од годината.
На Германија сега не и треба стимулативен план за економијата за да им се спротивстави на последиците од коронавирусот, туку пред се инјекции за ликвидност на фирмите, изјави денеска германската канцеларка Ангела Меркел.
Плоштадот Свети Петар и истоимената базилика во Ватикан ќе бидат затворени до 3 април за посети на туристите и групи со водичи заради епидемијата од коронавирус во Италија, но верниците ќе можат единечно да влегуваат во базиликата на молитва, соопшти денеска Ватикан.
Намалку едно лице погина во експлозија во хемиска постројка во Ла Вернеди, предградие на Барселона, соопштија денеска на Твитер локалните служби за вонредни состојби.
Пред видео самитот на шефовите на држави и влади на ЕУ што се одржува попладнево во Брисел и на кој еднинствена точка е борбата против Ковид-19, претседателката на ЕК Урсула фон дер Лајен имаше свое видео обраќање на кое ги најави темите на кои ќе се разговара, јави дописничката на МИА во Брисел.
Во Белгија денеска се регистрирани 28 нови случаи на лица заразени од коронавирусот. Со тоа вкупната бројка на заболени достигна 267.
Шефот на кабинетот на Емануел Макрон, Патрик Строзда, ќе биде тестиран за коронавирус во вторник или среда, откако беше во контакт со заразено лице минатата недела, изјави извор во Елисејската палата, јави дописникот на МИА.
Рускиот претседател Владимир Путин денеска изјави дека го поддржува предложениот уставен амандман што ќе му овозможи да се кандидира на претседателските избори и да остане на власт.