Компанијата за резервации на хотели и куќи за изнајмување „Букинг“ (Booking.com) соопшти дека ќе отпушти повеќе од 4.000 вработени, што е една четвртина од нејзината работна сила, бидејќи патувањата драстично опаднаа поради пандемијата на коронавирусот.
Јужна Кореја работи на сателит со исклучително мала големина за подобро да ги следи воените активности на Северна Кореја.
Во налет на тропска бура Исаја што вчера го погоди источниот брег на САД, загинаа најмалку четири лица.
Бројот на смртни случаи во светот од Ковид-19 веќе е над 700.000 денеска, а САД, Бразил, Индија и Мексико имаат најмногу смртни случаи од таа болест.
Компанијата „Волт Дизни“ соопшти дека нејзините нето приходи драстично опаднале од март до јуни, кога повеќето тематски паркови беа затворени, а филмските премиери беа одложени.
Американскиот претседател Доналд Трамп изјави дека ширењето на коронавирусот во САД е под контрола „колку што е тоа можно“.
Компанијата „Новавакс“ соопшти дека нејзината експериментална вакцина против Ковид-19 произвела антитела против новиот коронавирус и се чини дека е безбедна, според првичните податоци од малото клиничко истражување во раната фаза.
Нападите со атомски бомби врз врз Хирошима и Нагасаки на 6 и 9 август 1945 година, произлегоа од шестгодишна работа на научници од Европа и Северна Америка, која започна во 1939 односно 1941 година, кога американската влада го почна „Проектот Менхетен“ со цел да направи атомска бомба.
Интернет-криминалците ја користат пандемијата на коронавирус за да ги префрлат целите за компјутерски напади од поединци и мали бизниси кон големи корпорации, влади и критична инфраструктура, соопшти Интерпол.
Соединетите Американски Држави и Кина се согласија на 15 август да одржат разговори на високо ниво, со цел да се договорат за билатералниот трговски договор потпишан претходно оваа година, објави денеска „Волстрит журнал“.
