Според последните податоци, во светот со коронавирус досега се заразени 9.109.885. Од нив починале 471.759, а оздравеле 4.879.462 луѓе.
Американскиот претседател Доналд Трамп денеска се осврна на својата претходна изјава дека ќе размисли за средба со претседателот на Венецуела Николас Мадуро, наведувајќи дека ќе се сретне со него само за да разговараат за негово заминување од власта.
Дваесет и втората лидерска средба меѓу ЕУ и Кина се оддржа денеска преку видеоконференциска врска, а средбата иако во тешка атмосфера, била плодна, порачаа од европска страна, јавува дописничката на МИА од Брисел.
Генералната директорка на УНЕСКО, Одри Азуле, денеска изјави дека е „загрижена поради зголемувањето на насилството врз новинарите“ што известуваат за демонстрации, потсетувајќи дека „слободата на изразување е витален елемент на демократијата“.
Пет лица, меѓу кои и двајца обвинители, загинаа во Авганистан во напад врз службениот автомобил на авганистанскиот државен обвинител.
Американскиот државен секретар Мајк Помпео денеска го повика Пекинг да ги ослободи двајцата Канаѓани, кои во оваа земја се обвинети за шпионажа, и кажа дека САД се „крајно загрижени“ за одлуката на Кина да покрене обвинение против Мајкл Ковриг и Мајкл Спавор.
Економскиот советник во Белата куќа, Лери Кадлоу, денеска изјави дека САД не се загрозени од втор бран на пандемијата на коронавирусот, иако пастојат некои нови жаришта во сојузните држави, како Флорида, на пример.
Индија евидентираше најголемо дневно зголемување на смртните случаи поврзани со коронавирус, вкупно 445, додека вирусот се шири брзо низ руралниот дел од земјата, соопштија денеска властите.
Во последните две години во Шведска, откако е изменет законот, пресудите за силување се зголемени за 75 проценти, поради што се засилија и повиците до другите земји и тие да ги сменат своите закони.
Францускиот претседател Емануел Макрон денеска ја обвини Турција дека игра „опасна игра” во Либија, каде Анкара јавно ја поддржува Владата на националниот договор, која е поддржана од ОН, а е во конфликт со бунтовничките сили на генералот Калифа Хафтар, јавија француските медиуми.
