Рускиот министер за надворешни работи Сергеј Лавров денеска изјави дека убиството на донетскиот сепаратистички водач Александар Захарченко е провокација од страна на Украина и ќе го поткопа мировниот договор од Минск, јави новинската агенција ТАСС.
Меган Мекејн, ќерка на неодамна починатиот американски сенатор Џон Мекејн, го искористи неговиот погреб да упати критики кон претседателот Доналд Трамп, со кого Мекејн честопати беше во конфликт и покрај тоа што доаѓаат од истата Републиканска партија.
САД, Франција, Британија и Италија денеска го осудија насилството што изби во либискиот главен град Триполи, и предупредија дека постои опасност оваа северноафриканска држава да потоне во уште поголема нестабилност. Најмалку 30 лица беа убиени во пресметките во либиската метропола во изминатите денови, а стотина беа ранети.
Босанската полиција ноќеска открила 50-ина мигранти од Авганистан, Иран и Пакистан, сокриени во товарен воз кој влегувал од Србија.
Двете лица што вчера беа избодени во централната железничка станица во Амстердам се американски државјани, изјави амбасадрот на САД во Холандија Пит Хокстра. Се работи за двајца туристи кои ја посетувале холандската метропола кога ги нападнал 19-годишен Авганистанец кој што поседувал германска дозвола за престој.
Три лица загинаа, а десетици се повредени при експлозија на автомобил-бомба во сирискиот град Азаз, јави телевизијата „Скај њуз Арабија“.
Балон со ликот на градоначалникот на Лондон, Садик Кан во жолти бикини денеска е пуштен над Вестминистер.
Бразилскиот Изборен суд донесе одлука да му се забрани учество на поранешниот претседател Луис Инасио Лула да Силва да учествува на претседателските избори во октомври.
Холандските власти соопштија дека мажот кој вчера беше застрелан од полицијата откако избоде две лица со нож на главната градска железничка станица, е 19-годишен Авганистанец, а истражителите не ја исклучуваат можноста екстремизам да е мотив за нападот.
При експлозијата во рафинеријата во германскиот град Инглоштат повредени се најмалку осум лица.
