Бакингемската палата објави оглас за мијач на садови на сајтот „Ројал хаусхолд“. Новиот член на персоналот во кујната годишно ќе заработува 22.000 евра, а ќе му биде обезбедена храна во палатата и 33 дена годишен одмор.
Германската влада го одобри воведувањето на можноста за регистрирање трет пол во регистрите.
Данска ќе подигне 70 километри долга ограда на границата со Гермамнија за да спречи влез на диви свињи и да спречи ширење на африканската свинска треска, што би можело да го загрози производството на месо во таа земја.
Претседателот на Турција Реџеп Тајип Ердоган и германската канцеларка Ангела Меркел денеска разговараа телефонски за билатералните односи и ситуацијата во Сирија, изјави неименуван извор близок до кабинетот на турскиот претседател.
Најмалку 22 деца се удавија денеска, откако брод со кој патувале до училиште потона во реката Нил во северниот дел на Судан, поради обилните дождови.
Суд во Австрија пресуди дека и криминалците ќе мора да плаќаат данок, а износот треба се одредува врз основа на сумата на парите стекнати со кривичното дело.
Рускиот писател и сценарио Едуард Успенски, автор на книгите како „Крокодилот Гена и неговите пријатели" и „Чичко Фјодор, кучето и мачорот", почина во Москва на 80-годишна возраст, соопшти неговата ќерка Ирина.
И покрај забраните што им се наметнати во согласност со санкциите на Советот за безбедност на ОН, Северна Кореја продолжува да работи со други земји, создавајќи околу 250 заеднички фирми со Кина и со Русија.
САД повеќе од двојно ќе го зголемат бројот на маринци стационирани во Норвешка, во согласност со планови што првично беа објавени во јуни, објави денеска норвешкото Министерство за одбрана.
Германската економија, која е најголема во Европа, зајакна за 0,5 отсто во вториот квартал, покажуваат податоците на Сојузната канцеларија за статистика.
