Фудбалската асоцијација на Англија официјално го предупреди менаџерот на Манчестер Сити, Пеп Гвардиола за коментарите кон судијата на натпреварот со Манчестер Јунајтед, Ентони Тејлор.
Лидерот на германската Бундеслига, Борусија Дортмунд, одлучи да ја искористи можноста за трајно да го привлече шпанскиот играч Пако Алкасер, пишува „Билд“.
Барселона е тимот со најмногу странци и најмалку Шпанци во Ла Лига. Во тимот на Валверде во моментов настапуваат 15 играчи, кои не се локални.
Данскиот напаѓач Никлас Бендтнер ќе мора да ја исполни 50-дневната затворска казна за претепување на таксист во Копенхаген, откако не му беше прифатена жалбата на пресудата.
Мауро Икарди против Мексико го постигна својот прв гол за националниот тим на Аргентина и најави подобри денови за него во репрезентацијата. Тој последниот период често беше изоставуван од страна на селекторите, а во медиумите тоа беше протолкувано како резултат на наводно лошите односи што ги има со Меси.
Агентот на поранешниот селектор на Шпанија и тренер на Реал Мадрид, Хулен Лопетеги, Карлос Бухеро, ги негираше гласините дека неговиот клиент може да ја преземе фудбалската репрезентација САД.
Крилото на Голден Стејт, Кевин Дурант беше казнет со 25.000 долари од НБА, а причина за санкцијата е пцовка, која Кеј Ди ја упатил кон фан на Далас Маверикс.
Легендата на Баерн Минхен, Оливер Кан е фаворит да го наследи Ули Хенес како претседател на баварците, тврди „Билд“. Хенес најави дека ќе ја напушти функцијата откако ќе донесе одлука генералното собрание на клубот, кое ќе се одржи на 30 ноември.
Крилото на Кливленд Кавалирс, Кевин Лав соопшти дека ќе се врати на кошаркашкиот терен во 2019 година, додавајќи дека уште две недели ќе биде со специјална чизма, која ја носи по операцијата на левата нога на почетокот на сезоната.
Претседателот на Наполи, Аурелио Де Лаурентис откри дека не планира да купи нови играчи во јануарскиот трансфер период, но се подготвува да привлече големо име за летото.
