Светскиот рекордер во спринт на 100 и 200 метри, Усаин Болт се раздели со Централ Коуст маринерс. Австралискиот клуб објави дека Болт го одбил предложениот договор.
Суд во Копенхаген денеска го осуди поранешниот фудбалер на Арсенал, Никлас Бендтнер на 50 дена во затвор, поради нанесување физички повреди на таксист во главниот град на Данска на 9 септември оваа година.
Ѕвездата на Челзи, Еден Азар ги надмина проблемите со грбот, но се уште не е подготвен за полни 90 минути игра, изјави тренерот на „сините“, Маурицио Сари на прес-конференција пред натпреварот в недела против Кристал Палас.
Привремениот тренер на Реал Мадрид, Сантијаго Солари зборуваше пред медиумите пред дуелот од 11-тото коло на Ла Лига против Ваљадолид, кој ќе биде негово повторно деби на „Сантијаго Бернабеу“, по она како играч.
Возачот Даниел Рикардо изјави дека ќе ја заврши сезоната во Формула 1 во тимот на Ред Бул и покрај коментарите по незавршувањето на Гран При на Мексико, кога лут и во афект својот болид го нарече „проколнат“ и изјави дека не гледа причина да се качи во него за последните две трки.
Поранешниот тренер на Реал Мадрид, Хулен Лопетаги, предложи да стане селектор на репрезентацијата на Мексико, објави „Мексико Фокс“.
Најважниот играч за англискиот шампион Манчестер Сити во минатата сезона, Кевин де Бруин, и натаму нема среќа од почетокот на оваа сезона.
Поради големиот интерес за натпреварот од Лигата на шампионите меѓу Вардар и Барселона, од тимот соопштија дека се пуштени во продажба дополнителни 500 билети по цена од 150 денари.
Екипата на „Металург“ денеска на прес-конференција во СЦ „Борис Трајковски“ во пресрет на мечот од ракометната Лига на шампиони против „Чеховски Медведи“, ги претстави новите засилувањата – Словенците Александар Шпенде и Миха Пучник и Португалецот Гонзало Рибеиро Грача.
Република Кореја и Северна Кореја се договорија да го информираат Меѓународниот олимписки комитет (МОК) за намерата заеднички да се кандидираат за домаќини на Летните олимписки игри во 2032 година, соопшти „Јонхап“.
