Во првите осминафинални натпревари од фудбалскиот Куп на Македонија победи забележаа Шкендија, Академија Пандев, Работнички, Беласица, Победа и Силекс, а од фаворитите само Вардар одигра реми против Македонија Ѓорче Петров.
Претседателот на фудбалскиот клуб Монца, Никола Коломбо, потврди дека ќе продаде 95 отсто од акциите на клубот на поранешниот сопственик на Милан и некогашен премиер на Италија, Силвио Берлускони.
Легендарниот американски пливач Мајкл Фелпс истакна дека треба да се зголеми поддршката на поранешните врвни спортисти.
Актуелниот најдобар тенисер во светот Рафаел Надал соопшти дека поради повредата на коленото нема да учествува на турнирите во Пекинг и Шангај.
Торино се повлече од заедничката кандидатура со Кортина Д'Aмпецо и со Милано за организирање на Зимските олимписки игри (ЗОИ) во 2026 година, откако не беше постигнат договор кој од трите италијански градови ќе ја има водечката улога во проектот.
Северна и Јужна Кореја постигнаа договор да поднесат заедничка кандидатура за организирање на Олимписките игри во 2032 година.
Тенискиот судија Мохамед Лајани поради кршење на правилото за непристрасност доби суспензија од АТП и нема да може да суди на следните два турнира.
Тренерот на Валенсија, Марселињо изјави дека неговиот тим не се плаши од Јувентус, без оглед што оваа сезона во составот ќе го имаат најдобриот фудбалер на светот Кристијано Роналдо.
Неверојатни 400 милиони евра ќе чини реконструкцијата на стадионот на Реал „Сантијаго Бернабеу“ во Мадрид, објави Марка.
„Летечките магариња“ се санкционирани поради финансиски малверзации на раководството. Имено, претседателот на Киево, Лука Цампедели, заедно со луѓе од Чезена, разменувал играчи по цена далеку повисока од реалната при што на клубот му создал лажен профит од 25 милиони евра.
