Јавното претпријатие за Македонски железници Инфраструктура – Скопје се стекна со меѓународно признат сертификат за одличност во спроведувањето на јавните набавки (CIPS Corporate Certification Primary Award) доделен од Институтот за набавки и снабдување (Chartered Institute of Procurement & Supply -CIPS) од Велика Британија.
Дивоградбите се кривично дело, а нивното легализирање значи амнестија, реагира денеска Градежната комора од Сојузот на стопански комори (ССК).
„Алкалоид“ АД Скопје како една од најуспешните компании првпат доби финансиска помош од државата. Со оваа наша домашна компанија потпишавме Договор за финансиска поддршка за нов инвестициски проект на компанијата во времетраење од пет години и коn крајот на изминатата година на компанијата по овој основ и беа исплатени финансиски средства во висина од 35.292.916 денари.
Откупот на тутунот е при крај. Во прилепскиот регион остануваат да се преземат мали количества, а веќе почнуваат подготовките за новата реколта тутун. Според Данчо Милески, претседател на тутунско здружение „Мице Козар“, тутунарите се задоволни од просечната откупна цена од 214 денари, со оглед на нестабилната производствена година. Тој апелира приизводителите да ги донесат за откуп преостанатите количества додека има ваги на теренот.
Патот од косовската страна е во финална фаза и се очекува да биде завршен до јуни 2019 година. Тоа треба да претставува поттик за посериозен пристап и почнување на градежните работи и од македонска страна порано од планираното, рече претседателот на Стопанската комората на Косово, Берат Рукичи на денешната работна средба со својот македонски колега, претседателот на Стопанската комора на Македонија, Бранко Азески.
Успешно се реализира Програмата за реформа на управувањето со јавни финансии. Лани беа спроведени повеќето активности предвидени во Акцискиот план, а очекувам годинава да продолжиме со уште позасилено темпо, истакна министерот за финансии Драган Тевдовски на состанокот на Советот за управување со јавни финансии што се одржа во Министерството за финансии.
Од 1 јануари годинава целосно е либерализиран пазарот на електрична енергија во земјава и сите потрошувачи, вклучувајќи ги и домаќинствата можат да излезат на слободниот пазар, но во моментов на домаќинствата не би им се исплаќало и токму тоа е причината што снабдувачите не им понудија пакети, порача денеска претседателот на Регулаторната комисија за енергатика (РКЕ) Марко Бислимовски.
Јавниот долг е под контрола и за него се известува транспарентно и со веродостојни податоци. Ако од 2008 до 2016 година јавниот долг беше брзо растечки, сега е стабилизиран и е на пониско ниво во однос на 2016 година. Ова го истакна министерот за финансии Драган Тевдовски на работилницата со новинари посветена на јавниот долг, а во рамки на кампањата на Министерството за финансии за финансиска едукација.
Препознавање на квалитетна градба, важност од сигурна инфраструктура која ќе ја користат многу генерации, како и регионално поврзување на градежните компании за реализација на регионални проекти се трите важни аспекти во функција на развој на градежниот сектор, беше истакнато на денешната прес конференција на Сојуз на стопански комори на Македонија (ССК).
Енергетската заедница (ЕЗ), во своето соопштение до јавноста, ги поздрави реформите што се спроведуваат во енергетскиот сектор во земјава, при што нотираше дека е прва членка на ЕЗ која спровела конкурентна тендерска постапка за избор на универзален снабдувач со електрична енергија.
