Премиерот Зоран Заев денеска имаше средба со Весна Кузмановиќ, лидер на тимот за проектот „Импала“, финансиски поддржан од Фондот за иновации и технолошки развој-ФИТР. Разговараа за важноста на поддршката од државата за развој на иновациите и претприемачкиот дух што, пак, придонесува за развој на економијата и можностите за отворање нови и добро платени работни места.
Министерот за финансии Драган Тевдовски ќе учествува на конференцијата „Кон подобрени структурни реформи и фискални рамки“, која денеска и утре се одржува во Љубљана. На конференцијата учествуваат претставници од државите во регионот и на Европската комисија, а организатор е Центарот за обука во областа на финасиите (ЦЕФ) од Љубљана.
Центар за обука на занаетчии во високото стручно училиште „Перо Наков” во Куманово и прекуграничен „Занаетчиски саем” ќе бидат промовиран и денеска во Куманово во присуство на занаетчии, женски бизниси од Куманово и Гњиланскиот регион.
Дуалното образование, привлекувањето странски инвеститори и подобрувањето на законската регулатива во делот на економијата се областите на кои ќе се работи во следниот период заедно со германскиот експерт Валтер Дефа, испратен од канцеларката Ангела Меркел, кој утрово во Владата го имаше првиот состанок со вицепремиерот за економски прашања Кочо Анѓушев.
Со 1,1 милијарда денари годинава државата ќе го стимулира вработувањето, особено на младите. Мерките се фокусираат на доквалификација, вработување на најранливите категории, поддршка за стартапите и иновативните бизнис идеи.
Странските компании имаат потешкотии да ги идентификуваат потенцијалните локални добавувачи, кои пак за поголема соработка треба да инвестираат во стандардизација и сертификација, да даваат прецизни рокови на испорака и да ги почитуваат, да ги исполнуваат условите од договорите…
Место да работат како подизведувачи во други фирми или да бараат вработување во некоја компанија, младите ИТ инженери да ги реализираат своите идеи и да креираат сопствени производи, порачува ЕЕСТЕК Здружението на студенти по електротехника.
Со 15 милиони евра евтини кредити од Европската инвестициска банка - ЕИБ, ќе се поддржат инвестициите на 39 мали и средни фирми, кои првично ќе отворат околу 160 работни места. Со ова е комплетирана првата транша од 100-те милиони евра од ЕИБ за мали и средни претпријатија.
Вицепремиерот за економски прашања Кочо Анѓушев денеска оствари средба со специјалниот советник номиниран од Владата на СР Германија, Валтер Деф со кого разговараше за тоа како да се искористат германските искуства за да се овозможи побрз економски развој.
Проектите „Саќе за учество на национални младински организации“ на ЦИД Куманово, „Јутокраси“ на „Еко Логик“ од Скопје и „Охрабрување на младите да преземат акција (онлајн курс)“ на „Младиинфо“ од Скопје, кои се финансиски поддржани од Националната агенција за европски образовни програми и мобилност, а избрани од Комисијата на партнерството од национални агенции, ги презентираа моделите на проектите на Конференцијата за најдобри практики во Европа што се одржа во Берлин.
