Заедничка координирана акција на стопанството, институциите, општините, учениците и родителите започнува со Првиот училишен саем на машинска и енергетска индустрија – „Како до квалификуван кадар за пазарот на труд“, кој ќе се одржи на 10 и 11 мај во средното училиште на град Скопје „ЕМУЦ 8. Септември“ .
Претставниците од Хелекспо го информираа министерот Шапуриќ дека неодамна е формирана Балканска асоцијација на саеми, во која членуваат саемски организации од Љубљана, Загреб, Белград, Пловдив, Будва, Солун и Скопје, а со која моментално претседава саемот од Солун-Хелекспо, а заменик претседавач е Скопскиот саем.
Трошоците на живот во април во однос на март годинава се зголемени за 0,8 проценти, а споредено со април лани за 1,9 проценти. За 1,2 проценти, пак, има пораст кај цените на мало во април во однос на март годинава, кои пак споредено со април минатата година се зголемени за 1,3 проценти, објави Државниот завод за статистика.
Царинската управа денеска ќе добие донација во опрема за помош при пребарување и проверки од Управата за царински работи и приходи на Обединетото кралство.
Премиерот Зоран Заев и министерот за финансии Драган Тевдовски учествуваат на редовните годишните средби на Европската банка за обнова и развој во Сараево.
Премиерот Зоран Заев ќе учествува на редовната средба на Европската банка за обнова и развој (ЕБОР) што од денеска до 9. месецов ќе се одржи во Сараево, каде заедно со другите лидери од Западен Балкан ќе дебатираат за економски и политички прашања клучни за регионот.
Вкупната вредност на извозот на стоки од државава во првиот квартал годинава изнесува 1.735.738.000 долари и бележи пораст од 7,7 проценти во однос на истиот период од претходната година, објави денеска Државниот завод за статистика.
За два процента се зголемени цените на угостителските услуги во периодот јануари – април 2019 година во однос на истиот период лани, додека во однос на декември 2018 година се на исто ниво.
Според Комората, потенцијалите на земјоделството во земјава не се целосно искористени. Необработени стојат преку една третина од површините, а субвенциите не ги дадоа очекуваните резултати. Недостигаат и одржливи рурални заедници кои би го интезивирале пласманот на странските пазари.
Министерот за финансии Драган Тевдовски, во рамки на делегацијата предводена од претседателот на Владата Зоран Заев, ќе учествува на Годишните средби на Европската банка за обнова и развој (ЕБОР) што ќе се одржат од 7 до 9-ти мај во Сараево, Босна и Херцеговина.
