Осумдесет домашни микро, мали и средни компании добија грантови во висина од 10,5 милиони евра преку мерките од третиот столб на владиниот план за економски раст. На повикот објавен од Фондот за иновации и технолошки развој се пријавиле 236 компании.
Цената на барел нафта од 2011 година до сега бележи опаѓање, но цената на литар дизел во Македонија во последните седум години не е значително намалена, покажува најновата анализа и визуелизација на „Дата“.
Мултинационалната компанија „Теламон“ од САД денеска го потпиша договорот за реализација на својата инвестиција во Македонија која ќе достигне до 11 милиони евра.
Уметниците Кристина Божурска и Николче Славески се добитници на стипендија за учество на летната школа Summer School as a School (SSAS) за 2018 година. Ги доделува Проектниот простор Прес ту егзит, како партнерска организација на организаторот Stacion - Центарот за современа уметност од Приштина.
Транспаренси Интернешнл – Македонија се стекна со ре-акредитација за наредните три години и со тоа ги исполни сите критериуми да биде полноправна членка во глобалната коалиција за борба против корупцијата “Транспаренси Интернешнл”.
„Визит Македонија“ е насловен новиот проект на Министерството за економија за следење на најновите светски трендови за поголема дигитализација и иновации во туристичката промоција.
Регулаторната комисија за енергетика (РКЕ) денеска ќе одржи подготвителна седница на која ќе одлучува за доделување лиценца за енергетска дејност трговија со гас.
Во македонската Влада денеска ќе биде потпишан договор за државна помош со претставници на американската компанија Теламон Европа ДООЕЛ Скопје, која најави инвестиција од четири милиони евра во државава, со 300 работни места во наредните пет години.
На претставници на микро, мали и средни претпријатија денеска ќе бидат доделени грантови за финансирање на проектите со кои аплицираа на повикот на Фондот за иновации и технолошки развој (ФИТР) со што почна примената на мерките од третиот столб на владиниот План за економски раст.
Управата за јавни приходи ја објави најновата листа на должници брoj седум, за долгови доспеани до 31 март и неплатени до 30 јуни по основ на данок на додадена вредност (ДДВ), данок на добивка, персонален данок на доход, придонеси од задолжително социјално осигурување, акцизи и царини.
