Во Крушево, од полетувалиштето на Мечкин Камен денеска почнаа 20. европско и 8. светско првенство во змејарство. Овие две првенства во Крушево се одржуваат по втор пат. Учествуваат 133 пилоти од 21 земја со репрезентации и четири земји се гости на првенствата.
Територијалната противпожарна единица од Кочани во иднина ќе биде ангажирана за гаснење пожари и за други интервенции и на подрачјето на соседните општини Зрновци и Чешиново-Облешево.
Прилепскиот Центар за јавно здравје испитува дали е загадена водата од јавната чешма во селото Стровија, општина Долнени, откако непознато лице деновиве истурило непозната црна течност.
Во Штип денеска се формираше координативно тело за развој на туризмот во Источно планскиот регион, а кое произлегува по направената Стратегија и Акциониот план за развој на туризмот во овој регион за период од 2015 до 2025 година.
Ајвар, лутеница, традиционално овчо сирење и јагне, органска храна и флаширано вино, се дел од производите што ќе ги промовира Македонија на претстојниот Меѓународен саем „АГРА 2018“ во Горна Радгона, Република Словенија.
Не се алармантни штетите од невремето што го зафатија викендов струмичкиот регион зашто поголемиот дел од производството е под фолии и заштитено, рече денеска министерот за земјоделство Љупчо Николовски.
Во регистерот на АЦВ на Македонија се внесени теренот во близина на планинското село Серменин во општина Гевгелија, Стојачка чука кај селото Стојаково во општина Богданци, локациите Голаш и Татарлиска чука во близина на Валандово како и локалитетите Мала и Голема Боскија во близина на Дојран.
Градот Охрид и ова лето почетокот на главната туристичка сезона ќе го одбележи со манифестацијата „Бела ноќ“, со бројни музички и забавни содржини и настани и богата забавна програма до раните утрински часови.
На Одделението за офталмологија во Клиничката болница во Битола набавен е современ медицински апарат за испитување на задниот сегмент на окото.
Инфосесии за потпрограмите Култура и МЕДИА на програмата на Европската унија „Креативна Европа“ во наредните денови ќе се одржат во Куманово, Битола, Тетово, Струмица и Охрид.